Home / 加密貨幣類別 / Decred / 實力雄厚,藍血背景,潛力爆幣Decred

實力雄厚,藍血背景,潛力爆幣Decred

喺我推薦呢隻虛擬貨幣之前,我想講一講關於我打算寫blog既原因,好短咖咋,好快會入正題。 老實講,香港的傳媒好大部分都好不負責咁醜化虛擬貨幣呢一個慨念。每一次報導的新聞都只不過係今日比特幣上升或者下跌左幾多,最鍾意係標題上加上「未日」。可能係記者嘅角度,呢類的報導係最易寫同吸睛,最後咪導致普遍的香港人聽到「比特幣」都會直覺上認為係一個騙局。我寫blog就係想幫虛擬貨幣呢個市場平反,希望讀者認識更多,唔會比媒體誤導。好啦,廢話講完,下面我就講下我覺得最大機會可以取代到比特幣的虛擬貨幣啦!

 

點解我會講Decred (DCR) 可以挑戰到比特幣的地位,最重要的原因就係佢嘅創立團隊嚟自前Bitcoin Core的成員。相信大家都知道比特幣由中本聰 (Satoshi Nakamoto) 創立,而比特幣一直以來的更新及維護由 Bitcoin Core 團隊負責。由於Decred 的創立團隊對Bitcoin core 及 Bitcoin發展的不滿,於2014年正式退出Bitcoin core,最後在2016年正式推出Decred (DCR)。

 

依家既虛擬貨幣市場可以話係龍蛇混集,所以在投資呢個市場時一定做足功課,如果唔係只不過係比一隻待宰的小肥羊。在虛擬貨幣的市場,一個有實力的團隊已經係成功的一大半,就好似投資Tesla 都係因為相信Elon Musk一樣。如果你投資的虛擬貨幣連個團隊係咩人都唔知,我勸你都係避之則吉。

 

而我最欣賞Decred的地方就係有關於其項目基金的設立。在DCR被挖礦開採時,每一區塊獎勵會以60/30/10的比例分配給礦工、投票人、及 Decred 項目基金地址。而Decred項目基金投槁時的價值相當於$2,500萬美金,約佔總DCR供應的8%,由於可見該基金可持續地推動Decred的發展。而該基金的每一項投資都將會由每一個持有DCR的投資者決定,我相信隨著Decred不斷發展,DCR的價格將會節節上升。

 

如果大家對呢個題目有興趣,可以試下襟下面的Like button鼓勵下,我會寫多D關於Decred的文章,其實我仲有好多都未講,希望可以同大家分享多D啦!

About 爆幣兄

爆幣兄希望唔單止發掘下一個潛在既爆幣比大家,更加可以透過呢個平台帶比大家基本投資虛擬貨幣知識,令各位都可以成為下一個虛擬貨幣界的畢菲特。

Leave a Reply

Your email address will not be published. Required fields are marked *