Home / 專欄 / 談虛幣

談虛幣

談虛幣

大家好,筆者Mr.Ghost好高興可以同ecoinomy合作,由今日開始會係專欄同大家分享一下對crypto嘅睇法,希望對大家有啲幫助。

今次主要會由投資年齡層方面去探討,虛擬貨幣係好新嘅投資工具,亦都係好高風險嘅投資,誇張啲講其實好多比較有實力嘅投資者佢哋係未嚟得切俾反應,其實現時虛擬貨幣可以分開幾個投資年齡層,宜家普遍參與嘅都係比較上年輕嘅一群,喺香港貧富懸殊及地產霸權嘅距離當中,比較有實力嘅一定係比較年長嘅香港人,佢哋會多數偏向相信物業,或者大型嘅收息股票,佢哋係冇錯嘅,因為嗰個時代最啱嘅投資,而又可以暴富,確實係呢兩樣野,當然回報亦不負眾望,都非常可觀,而的確如果冇虛擬貨幣嘅出現,筆者都相信未來10年,都未必會出現有比股樓更好嘅投資工具。

由此可見,如果crypto係香港形成氣候嘅話,呢股購買力已經可以有排升,當然你可以講全部coin都可以歸零,但筆者相信BTC已經運行左10年,完完全全產生左一場金融革命,所以我係偏向有價值嘅一邊,筆者相信之後就算再有一項工具,再掀起一場革命都好,比特幣都係唔會消失,雖然好穩陣,但你唔可以否定佢係一個高風險嘅投資,而咁高嘅投資風險嘅產品裏面,我會建議比較年長嘅投資者如果要投資虛擬貨幣的話,主要投資BTC就可以啦,因為龍頭嘅關係,永遠比較安全,其他coins排位俾佢低,總會有佢嘅原因,包括:用途,安全性等等,呢啲都決定左佢哋響全球嘅排名位置,當然仲有其他未發掘嘅虛擬貨幣,但對於咁新嘅投資工具,佢哋淨係買BTC就已經好夠,而比較鍾意高風險嘅投資者,筆者覺得佢可以揀20名以內嘅虛擬貨幣,畢竟熊市過後,整體市場升起上黎,其他貨品升幅一定俾BTC多好多,想追求更高嘅回報,20大內係你嘅不二之選。

2018年係熊市,而近日虛擬貨幣市場嘅大跌,亦為打算長線投資嘅你打下基礎,熊市儲貨係不變嘅定律,人棄我取,恐懼時要貪婪,種種投資心法最大嘅優勢,最先嘅條件都係要處身熊市,筆者相信未來20年,可以貨幣市場會非常成熟,你可以唔信,但其實好多嘢都已經慢慢發生緊,如果你錯過咗樓嘅牛市,亦無投資股票,呢轉虛擬貨幣嘅浪你又唔信又錯過埋,其實真係幫唔到你,而把握到股樓嘅牛市,呢個時刻都唔好驕傲,因為財富逆轉嘅局面,隨時都會發生,而最後一轉跌幅經已出現,筆者建議每日出現單日大跌10%其實可以入貨,唔好覺得可以估到底部,因為撈底永遠都係講運氣,並唔係講技術。

Mr.Ghost

如喜歡我的文章,請點下面拍手圖案,最多可以點五次,你的支持是對我的鼓勵,謝謝 !!

About Mr.Ghost

Leave a Reply

Your email address will not be published. Required fields are marked *