Home / 專欄 / 當中本聰成為世界首富時

當中本聰成為世界首富時

上次同大家探討過唔同年齡層,未出現而擁有最大購買力嘅投資者,應該點樣部署入場,近日BTC不斷探底,筆者亦收到好多投資者fb pm問,究竟係唔係撈底好時機,咩價位買最好?坦白講圈內市場氣氛其實真係好緊張,其實撈底買BTC無非都係想賺錢,今日我哋不如用輕鬆樂觀嘅方法,探討一下究竟我哋成功撈底可以賺到幾多呢?

首先呢度同大家講返,BTC創辦人中本聰手持大約係114萬粒BTC,我哋可以分開兩個層面睇,如果你將BTC睇為一間上市公司,而往後將會好似蘋果,亞馬遜咁,突破一萬億美金市值的話,咁你就可以將$10,000億嘅美金呢個數,除翻2,100萬,因為BTC總共只會出產2,100萬粒,最後一粒出產係喺2140年,希望我仲有命睇到,得出嘅結論係大約$47600美金一粒,咁如果你將呢個數擺落中本聰度,佢大約得$540幾億美金身家,咁睇落條數好似又唔係好啱數,而且亦都做唔到首富,當然$47600呢個數值,可以擺做你沽貨嘅第一站,一路升,你亦可以一路沽,拉個平均數其實都好爽,而筆者亦相信,三年之內必定見到四萬幾美金呢個數,咁你只要計返你自己有幾多粒BTC,你大約就可以知道,到時你呢個投資賺到幾多錢,唔夠數嘅話,再加注亦比較靈活。

好啦,咁第二個方法係,如果中本聰佢真係成為世界首富嘅話,咁理論上就係要將$540幾億嘅身家乘大3倍,因為要超過1,500億美金身家,先至可以破到亞馬遜嘅jeff嘅歷史高位,做個真真正正嘅世界首富,咁即係話,BTC大約可以升到$150,000美金左右一粒,以上手法,純粹係為咗大家可以輕鬆咁樣計到自己大約沽貨價係幾多,假設BTC低位係$4200美金左右,而BTC喺下一個大浪見到$150,000美金的話,咁即係你最近入嘅貨,可以賺到差唔多近40倍(其實我係相信BTC係會見到$100萬美金一粒,不過我依家同你講你一定覺得我痴線..)

最後,筆者覺得BTC去到$150,000美金,所需嘅時間只係七年左右(我已經講得好保守非常保守),而沖到150,000美金的話,其餘二十大內嘅coin,佢哋一定唔止升40倍,咁睇到呢篇文嘅你仲諗乜嘢?仲唔嗱嗱聲準備好入貨?

如喜歡我的文章,請點下面拍手圖案,最多可以點五次,你的支持是對我的鼓勵,謝謝

Mr.ghost

About Mr.Ghost

Leave a Reply

Your email address will not be published. Required fields are marked *