Home / 加密貨幣類別 / LikeCoin / 12月部署

12月部署

好啦,踏入12月啦,呢個月虛幣市場應該會有一個升幅,但唔確定係真係進入牛市?定係只係一個強力嘅反彈?當然筆者覺得能夠以11月嘅低價買入BTC,係一個非常非常之靚嘅入市位,最起碼我自己覺得係,而我當中入咗嘅貨,主要都係長線,正如我之前喺文章提及過,我會見到BTC大約去到$47,000幾蚊美金,先至會慢慢開始減持,但筆者建議11月有入貨嘅,而心理壓力有比較大嘅,可以趁低位反彈去返$6000 – $8000果陣走貨先,當然你可能會錯過咗整個升浪,但冇辦法,起碼你夜晚瞓得着。

至於確認反彈抑或大牛市開始,我哋主要可以睇一睇20大嘅貨幣走勢,有好多投資者佢哋主要會睇20大究竟係值幾錢,但其實筆者覺得主要唔係睇20大而家值幾多錢,而係佢兌BTC嘅兌換率究竟係幾多,而你又係兌換幾多買入,咁先至真正可以計到數,究竟你係揸住BTC賺多d?抑或係揸住其他貨幣可以賺得最多?

參考方面,我哋可以回顧番上一年嘅情況:

上一年嘅大牛市,中,尾段,當時只有BTC升,但其他二十大貨幣就唔係點郁,之後BTC小回,二十大佢哋就大舉狂升,而當時嘅兌換率係大約升左六倍,呢個情況,2017年嗰陣係行咗兩次,另外,當時BTC大約一個月升幅有150%,時間大約維持左一個月,呢點大家亦要留意留意。

由此可見,只要上述兩個情況都發生,大家都可以做一個小型嘅買賣動作,當然如果完全倒模2017年嘅走勢,咁實在太過容易操作,但上述呢兩點你抽其中一點去睇,提下自己,亦係一個唔錯嘅選擇,話時話,有冇投資者喺11月冇入貨,又或者係一粒虛擬貨幣都無揸呢?

如喜歡我的文章,請點下面拍手圖案,最多可以點五次,你的支持是對我的鼓勵,謝謝

About Mr.Ghost

Leave a Reply

Your email address will not be published. Required fields are marked *