Home / 專欄 / Mr. ghost / 秒殺瑞波幣

秒殺瑞波幣

要數新經幣嘅歷史,其實佢係2014年出現係虛幣市場,理由來來去去都係果幾個,都係覺得比特幣唔完善,要整一隻啱大家用嘅幣出嚟,創辦人Utopianfuture同佢團隊整咗呢隻新經幣出嚟,就同中本聰一樣又消失左,呢個係我喜歡嘅其中一點,無獨裁,無set最大持有者先係真正去中心化,而NEM自身冇礦機,無ICO(即係又唔係為圈錢),會根據返用戶嘅持有,交易使用量去分配獎勵,鼓勵用戶及企業使用,參與社區活動用NEM支付,用生態去維繫貨幣生命,呢點同ETH好似,咁樣生命周期先至可以長。

咁佢點秒殺瑞波呢?NEM會進行一次大型更新,更新後每秒可以處理3000單轉帳,而XRP就得1500單,快成你一倍,仲唔係真真正正嘅秒殺,可能之後又到XRP更新,但到時先算,當然最令我着迷嘅係,佢曾經係世上失竊最多嘅case,作為一個黑客,千辛萬苦入到落去個夾萬度,唔偷BTC偷NEM!?當然有機會當時嘅儲備佢係高過BTC,但呢個可能性有啲低,因為偷完到都驚無人接貨,如果當中有人睇好再持有就係另一件好事,因為IT野應該冇人比佢哋更加熟,另外,NEM要追查其實好難(我知道交易所佢哋話會追查到,但最後應該又係技術上解決唔到,得個講字),正正因為好難,所以就算佢哋平價賣出去再轉手,你更加追查唔到,呢啲就真係叫加密貨幣。

最後,日本係時下最open虛幣嘅市場,而NEM日本係非常之受歡迎普及(全球佢有21個據點),亦有新聞提及佢同grab成功合作(grab係收購左uber東南亞業務嘅公司),好明顯企穩亞洲,東南亞等市場,其實仲有好多企業都用緊NEM,呢度唔一一細講(因為真係好多),2017年XRP升360倍左右,其實NEM都一樣升360倍,佢曾經入過五大市值,今次我哋粗粗地睇住佢入返五大先,到時睇下秒唔秒到XRP!

差啲唔記得講,我係睇好NEM(第6次)

如喜歡我的文章,請點下面拍手圖案,最多可以點五次,你的支持是對我的鼓勵,謝謝

About Mr.Ghost

Leave a Reply

Your email address will not be published. Required fields are marked *