Home / 加密貨幣類別 / LikeCoin / 珍惜你有生之年嘅稀有資源

珍惜你有生之年嘅稀有資源

首先大家都知道我12月係睇升嘅,之前都有提過12月15號後,比特幣走出一個月跌幅50%,情況就會慢慢開始改變,有好多新入嘅讀者問點解會覺得見咗底,其實要從幾個角度去睇,首先,大量礦場嘅倒閉,能參與人數少咗,延伸到算力下降,呢兩個係比較明顯嘅指標,因為大戶唔想益佢地,然後大家如果有留意到嘅話,比特幣好少會係一個月跌50%,會出現呢個情況,就只有見最高位後回落,同埋終極一沽時段,呢兩個情況先會見到一個月跌50%,其他時間基本上冇咁誇張。
第二,虛擬貨幣每一次大型調整,大約都係跌80%,當然呢一次你都要咁樣諗,咁即係話恐慌性拋售,信心崩潰,終極一跌呢啲畫面係一定出現,而且上次熊市,係跌咗一年零三個月,所以之前會叫讀者11月先好準備入市,因為早一兩三個月跌完都有機會,而佢確實真係跟着劇本咁樣跌80%,所以暫時我哋印證到歷史嘅升跌,係對估算比特幣價格有幫助(係暫時印證),而超跌後會有反彈,所以之前話12月會升,當然坊間有好多人都唔係好信,但最起碼我信,而且納斯達克2019年第一季會有動作,虛擬貨幣市場從來有好消息都係出貨,咁究竟係新嘅牛市展開?定抑或係反彈浪完結?咁就要睇下呢兩三個月嘅升幅行成點。
慶幸之前有唔少讀者係$3300美金入貨,而家帳面係賺緊錢,雖然20幾%升幅喺虛擬貨幣市場唔係乜嘢升幅,但你要耐心小小等到下年1-2月,應該會升到$5000以上,咁就應該有80%-100%嘅短炒利潤,沽唔沽貨就睇你自己財政係點樣?驚嘅可以走貨,唔驚嘅可以長渣,無絕對嘅,香港人而家係好鍾意賺快錢,有好多人買虛擬貨幣都係想一夜暴富,筆者覺得呢個情況係會出現,虛擬貨幣已經係最快嘅投資,所以最後只係差自己有冇呢個耐心等一夜暴富嗰個畫面喺自己身上發生。
新入場嘅讀者,你要珍惜今次虛擬貨幣嘅入市機會,筆者長遠睇比特幣嘅高位最少去到$40000幾美金,係最少,可以參考返之前嘅文章,有提及大約點樣計$47000美金出嚟,我其實所謂嘅長渣都只係揸多兩年,就最少升10倍,係最少,$3000幾美金你過返兩三年望,你會覺得平到點解當時唔買返幾粒,同埋加上無限嘅後悔,唔敢講呢幾年會唔會再有類似比特幣嘅產品出現,但有讀者咁樣諗嘅話,倒不如珍惜在呢一個資源先,最起碼你對得住你下一代,情況就等於你爹哋媽咪佢哋係李嘉誠長實上市嘅時候就買咗再揸到而家。
之後討論一下兩個筆者覺得會發生嘅劇本
如喜歡我的文章,請點下面拍手圖案,最多可以點五次,你的支持是對我的鼓勵,謝謝

About Mr.Ghost

Leave a Reply

Your email address will not be published. Required fields are marked *