Home / 專欄 / 繼續睇好比特幣

繼續睇好比特幣

首先筆者唔同坊間好多人嘅睇法,佢哋個個都比較睇淡比特幣嘅前景,又話歸零,又話趁反彈沽貨,又話跌到見$2000,由於筆者係非常睇好呢一次嘅升幅,但如果升上去,會唔會係牛市周期開始?呢個筆者就未確認到住,要確認牛市周期係咪開始,就要睇下呢1-2個月升成點樣,咁樣會準確一啲,呢篇文章筆者想分享一個適合長短線投資者嘅投資策略,筆者認為比特幣走勢有兩個劇本。
第一個劇本就係在熊市行多一年,之後開始展開升浪,呢個係用以往嘅比特幣歷史去做判斷,咁呢個走勢筆者覺得係最保守,因為有跡可尋,亦都係坊間九成九以上嘅人講嘅,其實參考呢一個走勢都冇乜問題,因為呢一個都係屬於上上落落格局,有上有落,如果以現時價格去睇嘅話,幅度會保持喺$3000同$6000美金來來回回咁走,到2020年就會升到去$9000美金,到2021年就會重現返2017年,一年升10-20倍嘅景象,問題只係歷史係咪真係會咁完整地倒模出嚟呢?就算行返呢一個劇本係冇問題嘅,只要你而家有貨揸係手(記住係有貨),兩三年後你都一定賺唔少,而且唔使咁關注短期價格嘅波動,心理情緒都唔會受到影響。
而第二個劇本就係比特幣係呢三個月開始,唔知頭唔知路咁樣升,咁我哋呢個時候要做嘅,就係判斷佢究竟係反彈?定係牛市升浪?如果係反彈,我哋可以從某一啲細節,去判斷佢呢一個升浪裏面,反彈嘅高度係幾多,應該乜嘢價位走貨?
我哋可以攞之前跌八成嘅例子嚟睇,比特幣一個月升幅keep住150%,因為24小時嘅升幅,係會隨着日子而改變,所以只要見到月升幅150%之後,出現下降跡象,咁就可以沽貨,情況就等同於07年港股見2000億成交,15年見到2000億成交,17年相同發生見到2000億成交之後,跟住港股就冇咩運行,當然價格亦都係一個指標,但從來頂係要黎破嘅,(所以順帶一提,有投資港股嘅朋友仔,用呢一個$2000億嘅成交嘅理論,係萬試萬驗),而虛幣我地轉一轉個玩法,現階段$4000美金,直升到上去$10000美金,筆者都會建議你減磅,除非你係佛係長渣,渣到天荒地老嘅話,你可以無視我呢一個建議。
點解筆者會講呢2個劇本俾大家聽?就係因為2017年12月18號芝加哥交易所比特幣期貨上市,係一個歷史性嘅里程碑,之後係點大家有目共睹,當然仲有ETF(呢個又係另一個歷史性里程碑…),從來比特幣升都係冇特別利好消息,2011年開始都係咁,就算有消息都係俾人爆左交易所入去偷嘢,呢啲應該唔算係好消息… 所以冇好消息等於好消息,有好消息就要小心好消息,因為消息越好,出貨機會越高,當然結果係市場去解讀,但我相信呢一個諗法,因為已經見識過,同埋冇好消息底下,唔知頭唔知路一路咁升上去,其他散戶根本冇可能受惠到,因為佢地反應轉身冇可能咁快,你見到而家仲邊有人會去買幣…. 再者,筆者覺得底部已經見到,除非直升到$10,000美金咁就零作別論。
珍惜你而家見到比特幣咁平嘅價格,唔好放棄市場恐慌送俾你嘅機會,下篇會講究竟虛擬貨幣去到規模幾大?會影響到全世界?
如喜歡我的文章,請點下面拍手圖案,最多可以點五次,你的支持是對我的鼓勵,謝謝

About Mr.Ghost

Leave a Reply

Your email address will not be published. Required fields are marked *