Home / 加密貨幣類別 / 用加密貨幣買咖啡

用加密貨幣買咖啡

大家好,我是抓力達人,好高興可以加入eCoinomy,抓力達人係一個普通香港人,一年前開始認識加密貨幣,不過同咁多位eCoinomy大大比,真係差天共地呀!我平時除左鍾意去夾公仔之外,都鍾意學下新野,周圍行下。

 

今日想同大家分享既係,在香港用加密貨幣去購物,呢個實驗係外國都幾多人做。不過係香港真係未見過,咁小弟試下用加密貨幣去買野啦。後來上網一搵,原來香港未有用比特幣支付既鋪頭,不過唔奇,香港出名保守既。

 

後來就決定轉戰另一樣 – XPT,XPT又叫X-Point,又有人稱「比特幣散紙」,因為佢可以用比特幣去兌換,固定兌換率係1BTC :1,000,000 XPT,即係話可以將BTC拆細去消費,呢個概念係香港Startup創辦人羅昌政係去年初成立,係上年十一月正式投入使用。雖然XPT算係虛擬代幣多過加密貨幣,但因為佢係可以用比特幣兌換,都可以叫做Bitcoin購物既。所以,我早前就去左一間接受XPT支付既鋪頭—Brew Note Coffee Roaster去買咖啡!呢間咖啡店,我地可以坐地鐵到北角站,然後後大約8分鐘沿住英皇道,行去到堡壘街,就會見到佢啦。

行去店面,入面都幾多人,要等左一陣先拎到位。

           

望望個餐牌,一般咖啡店既價錢,小弟同朋友們各點左吾同咖啡試下吾同味。

鋪頭會即時幫大家轉返當日價錢既XPT,比錢方法吾太難,同家平時用既微信支付相差無幾!

 

使用教學

1)登入返xpt.io個網站,然後登入你既帳號

2)係左手面既快捷欄簡Swap

3) 輸入要比既XPT,然後按SWAP IN STORE

4) 會SHOW左個QR Code,比店方掃一掃,就會到 (不過佢只會有效一分鐘,建議大家即場禁好比店員掃)

5) 然後稍稍等一下,就到帳啦

 

 

坐低等既時候,不忘打一下卡,環境吾錯,舒服,大家都好專心緊溫書同做緊自己野,只係細左少少,位與位坐得有少少迫,坐得還好。

店入面放左吾同既咖啡豆,等大家學習品嚐咖啡。

仲放左吾同類型既書籍比大家細閱

杯咖啡到啦,味道ok

朋友果杯拉花幾靚

現場環境舒舒服服,最適合就係做野啦~哈哈

 

總結

今次只係飲咖啡,各方面都可以,下次再試下呢度既野食啦!用XPT消費比想像中容易,同大家用電子錢包差不多,等左一陣就已經成功扣帳,可惜而家支援鋪頭只有一家,如果吾係,真係想做個「用加密貨幣消費一天」既實驗,希望之後會愈來愈多鋪頭用到啦。

咁大家可能會問啦,XPT 到底可以點樣得到呢,現時除左用Bitcoin兌換(一個Bitcoin 可兌換 一百萬個 XPT)之外,仲可以透過遊戲獲得。 而遊戲就係抓力達人最鍾意的夾公仔,唔係街邊的夾公仔,係網上夾公仔遊戲,一次過滿足晒我兩個願望! 而呢個遊戲就叫「抓力全開」,大家可以按此下載! 今次好高興eCoinomy比個機會我寫咁生活化既文,為左答謝兩方面合作成功,達人決定送出抓力券,比大家免費夾公仔同飲咖啡,大家要密切留eCoinomy Facebook啦!

About 抓力達人

Leave a Reply

Your email address will not be published. Required fields are marked *