Home / 專欄 / Mr. ghost / 比特幣唔係病毒,瘟疫

比特幣唔係病毒,瘟疫

話說尋日同朋友食飯,佢本身都有做開少少投資,上年佢有買股票,結果個市係咁跌,佢毫不猶豫地走去買咗黃金做保值,因為佢都擔心市場會唔會好似08年咁樣一路跌,佢話佢上年1200幾蚊買黃金,計返而家都升左10%,都算唔錯呀,見佢講到好雀躍,我就開始同佢分享虛擬貨幣⋯

我話上年12月中已經出現咗終極一跌,最低位係3200蚊,今日$3800美金,我2021年上望去到47,000美金至150,000美金,我話計落最少都10倍幾-40幾回報,會唔會好過你買黃金先,跟住佢就好似覺得我係中咗降頭咁,成餐飯一路小一路小,又話虛擬貨幣係騙局,係咪俾人洗咗腦,又話買落去一陣間唔見咗點算,又話要咁博不如過大海賭兩手就算,又叫我唔好咁急功近利,唔好諗住一夜暴富,一輪嘴起勢不停咁講,當然我都用盡我所有力量去同佢分析,講比特幣嘅好處及特性,到全球都認可嘅時候你買就遲啦,去到最後佢都依然當冇聽過咁,跟住我地就各自歸家啦。

其實呢兩個月,筆者不停同身邊嘅朋友講比特幣已經見咗底,你今日唔買,你過多三年你一定一定一定會好後悔,最少都要買兩三粒旁下身,當然佢哋嘅反應同我尋日呢個朋友其實都冇乜分別,都當我係洪水猛獸,瘟疫病毒咁樣睇,不思進取呀,無知,白痴,其實只要係你諗到點樣去踩嗰個人嘅形容詞佢哋都講晒。

不過未來嘅兩三個月,如果有同朋友聚會,或者有人傾開投資嘅話,我都會一成不變不停去叫佢哋買BTC,因為上年12月已經見咗底,冇錯,係見咗底,見咗底,見咗底,宜家唔買唔知幾時應該係要買,呢度想強調一下,比特幣未來兩三年升幅,係冇任何投資產品可以追到,如果係放長線投資嘅話,$3xxx美金絕對係最理想嘅價位,要記住冇乜好消息嘅升幅係最好,同埋佢一升你係絕對追唔到。

最近有玩下Steemit,以下係筆者steemit的link

https://steemit.com/@mrghostsay

如喜歡我的文章,請點下面拍手圖案,最多可以點五次,你的支持是對我的鼓勵,謝謝

About Mr.Ghost

Leave a Reply

Your email address will not be published. Required fields are marked *